男人四十先箍牙 (四十九)

[27.03.2013] – week 50 – aligner (24/46)

換新箍後, 再次証實左一樣野… 就係… 剪手甲同換新箍係唔能夠共存的… 否則必有損傷…

之前已經不止一次受教訓… 但本人真係接受唔到稍長既指甲, 所以經常都會剪… 剪又唔記左新箍既教訓…

撞岩今次又係換新箍咁上下時間剪左手甲…

除箍既時候就真係好大件事… 無左指甲… 根本無辦法」了」開個牙箍… 九牛二虎之力都無辦法除得出黎… 最大問題係… 了唔到出黎, 個牙箍回彈返落去既時候… 係好容易會夾傷咀唇的…

今次一樣… 幾番努力都除唔甩個牙箍… 終於有一下… 回彈既時候夾一夾… 痛一痛… 就即刻感覺到有少少咸味… 即係夾損左, 出血囉!

唉! 好快又會變痱之, 又唔知要痛幾多日了…

下次真係要記住記住記住… 換新箍前後一定唔可以剪指甲… 或者… 最少限度要留返手指公…

(待續…)

男人四十先箍牙,一圓兒時心願。 如對內容有意見, 歡迎留言或聯絡我:

男人四十先箍牙 (四十八)

[25.03.2013] – week 50 – aligner (24/46)

咩先叫超低能勁攪笑?! 就係今朝… 在整理牙箍既時候發現… 咦?! 點解第#24個箍竟然會在牙箍袋裡面既?!

但第#22個箍膠袋竟然係空既…

咁即係話… 我尋晚戴既箍… 係調亂左… 倒左返轉頭戴!!!

一睇個日期… 原來#22號箍係2月25日… 第#24號箍係3月25日… 我尋晚竟然大意… 在昏暗燈光下拎錯左上一副箍黎戴…

唔怪得完全無痛楚既感覺! Orz…

從發現出錯一刻, 至煮完早餐既而家… 一直都諗… 到底要戴返#23號箍一日黎平衡返… 定食完早餐直上#24號箍呢?

講真, 個心真係唔想用#23號呀…

不過, 完成埋呢篇blog, 食埋個早餐先再諗諗啦… 唉…

都叫好彩發現得早… 否則戴左兩個星期先發覺錯就真係唔知點對得住江東父老了… 一來一回, 療程又要行多成個月架… 唔係講笑的! -_-」

(待續…)

男人四十先箍牙,一圓兒時心願。 如對內容有意見, 歡迎留言或聯絡我:

男人四十先箍牙 (四十七)

[24.03.2013] – week 50 – aligner (24/46)

箍牙生活昂然踏入第50週… 今日換新牙箍, 期待既痛楚感覺竟然無出現… 新舊箍竟然函接得天衣無縫… 完全感覺唔到換新箍既陣陣劇痛…

但係… 咁反而令我有啲擔心成效唔夠… (真係犯賤) Orz

多謝網友jackie在上一篇介紹左小桃個youtube video俾我睇… 內容有部份係示範點用chewies… 睇完之後, 我先發覺原來我成粒放入口趙, 係錯的… 正確方法係放在咀邊不斷咬咬咬咬咬… 哦… 原來係咁用的…

換新箍後我跟住短片方法, 咬左分幾鐘… 啲磨擦出黎既gigi聲, 真係令我起晒雞皮… 但無辦法, 想有趙chewies既效果, 唯有強忍, 門口上下16隻牙都咬晒, 裡面既大牙我就暫且放過佢地先…

咁咬法, 原來係唔會有口水沾到粒chewies的… 咁一粒chewies就可以重複用多幾次都ok…

一輪激戰後, 有」小小」感覺好似箍得緊左… 唔知係唔係心理作用… 希望用一排之後, 真係可以收窄牙箍與牙既虛位啦…

今次我又影左張相上放上黎俾大家參考下, 係正面影的… 在相中大家可以睇到我下排門牙有一處虛位成1mm咁多… 希望日日咬chewies, 幾週後會有改善啦!

(同上次一樣, 我將張相放低啲… 唔想睇相既人… 可以skip… ^_^」)

.

.

.

.

.

.

.

.

.

.

.

.

.

.

.

(scroll落去…)

.

.

.

.

.

.

.

.

.

.

.

.

.

.

.

(scroll落去…)

.

.

.

.

.

.

.

.

.

.

.

.

.

.

.

.

.

.

.

.

.

.

.

.

.

(留意, 相中下左門牙同牙箍有成1mm既虛位, 希望日日咬chewies會有改善)

progress_50_weeks_front

.

.

.

.

.

.

.

.

.

.

.

.

.

.

.

.

.

.

.

.

另外, 睇相亦都可以留意到我口裡面有兩條橡筋… 左右各一, 係上下拉住的… 但小桃video裡面, 佢係上下左右各一條, 水平咁拉, 唔係好似我咁上下斜角咁拉…

當然, 我既拉法… 裝橡筋無佢咁辛苦…

唔知我第日會唔會轉橡筋裝法呢?

(待續…)

男人四十先箍牙,一圓兒時心願。 如對內容有意見, 歡迎留言或聯絡我:

男人四十先箍牙 (四十六)

[15.03.2013] – week 48 – aligner (23/46)

到左見醫生既日子… 約左夜晚7點見醫生… 早左15分鐘去到… 等既人唔算太多, 起碼有位坐…

平日診所都係女人既天下… 作為小眾既男人(仲要係大齡男), 等見醫生段時間都真係幾尷尬下…

不過今日竟然有四五個男顧客在場… 真係心理上都安慰左…

等左15分鐘左右… 終於準時見醫生…

例牌頭幾句對話都係亂吹水, 出奇地… 醫生竟然記得我去完台灣返黎… 嘩… 我不禁出口讚嘆佢有記性… 心裡亦讚嘆佢CRM非常之好!

醫生話我無乜牙石… 進度幾好… 解釋左幾句我門口兩隻大板牙將會點樣箍返入去… 不過其實我唔係太聽得明… 不過醫生口嗡嗡咁… 好似話要提早倒過個新模咁上下… 反而進度我唔係太放在心… 事實上, 我真係唔多急完成個療程…

醫生問我用橡筋用成點… 我話日日都有換新橡筋架… 不過其實我諗呢個只係基本要求… 醫生曾經叫過我全天候用橡筋… 不過我就覺得有難度囉… 以前份工要成日講野, 根本無乜可能全天候用橡筋囉…

雖然而家我就唔使返工, 不過其實全天候用橡筋都有問題… 除非我全日宅在屋企, 連電話都唔用, 齋whatsapp囉… 我諗, 我暫時唔需要用橡筋用得咁徹底掛?!

最後, 我同醫生講有啲牙石, 醫生幫我洗左… 又係免費, 又賺左! hehe v^_^」

見醫生整個過程大約10分鐘左右… 我都算見得耐… 排我前面有個男人… 1分鐘都冇就出返黎, 真係神奇… 唔知佢見醫生講啲乜既呢?

今次拎左3副新箍走… 另外問護士拎左兩包新橡筋…

護士今次話醫生送左啲野俾我… 順手遞左兩大包野俾我… 話俾我放入口趙既….

其實唔駛睇, 齋聽我已經知道係乜黎… 因為我阿妹都問過我醫生有冇俾呢樣野我… 但係, 一直我都冇呀… 所以今次護士俾我, 我都唔係太有驚喜… 因為我一早聽過…

而呢包野… 坊間叫aligner chewies… 不過… 雖然我聽過, 但真正見, 都係第一次…

aligner_chewies

唔… 佢個樣… 我第一個感覺, 就係似煙仔個濾咀咁… size似, 但chewies長啲同粗啲… 質地簡直係一樣, 似足一條棉芯…

返到屋企, 我好奇地拎左一粒黎」試下味」… 嘩… 超唔鍾意呢種感覺, 好怪… 就好似塞條毛巾入口咬咁… 咬落去啲質地又怪, 都唔知點用好… 咬左無一陣, 成舊棉花濕晒, 唔知應該繼續趙落去… 定已經任務完成…

最後, 我梗係吐左佢啦… -_-」

上網查左一下… 原來呢啲chewies係用黎幫助縮小牙同牙箍之間既虛位… 可能醫生見我啲虛位較多, 所以建議我用掛… 不過, 我真係要適應一下先… 趙佢啲感覺, 真係唔多好受…

(待續…)

男人四十先箍牙,一圓兒時心願。 如對內容有意見, 歡迎留言或聯絡我:

男人四十先箍牙 (四十五)

[07.03.2013] – week 47 – aligner (22/46)

我知道有唔少打算箍牙, 或者箍緊牙既朋友, 都會有興趣參考一下其他人既箍牙過程… 或者會撞入我既blog…

其實我一直都想post啲進展俾大家參考下… 不過, 回頭望返舊時既相, 就好快打消左念頭, 原因… 都唔駛講啦… 真係唔知點解自己可以忍到咁耐都唔理下啲牙… :(

而家睇返啲相, 每逢打開口, 大笑; 特別係朋友在我無防備既時候, 從側面影既相… 自己睇完都好想delete, 令佢消失在世界上… 因為真係好難睇下…

當然, delete相只係個逃避既方法… 不過我都逃避左幾十年, 係上年先勇敢面對…

今日見到有網友提議想睇下… 咁我鼓起左最大勇氣, 同大家分享一張年前我朋友影既花絮相…

朋友在我旁邊影的, 當時我開懷地傾緊計… 而呢張相既角度, 剛好從正側面影到我上排既牙齒, 我平時自己都無乜機會會見到呢個角度; 但當然我既朋友, 同事, 其他人就一定成日見住… =_=」

我收到張相後, 個心真係沉一沉, 原來一直… 我啲牙都哨得咁勁, 特別係講野+笑既時候 >_<」

我朋友send返張相俾我, 當然我既朋友無人會覺得張相有乜問題… 因為佢地一識我已經見慣晒… 成個世界, 就只有我一個人咁遲先感覺到有問題…

Anyway… 序完…

以防有人唔想睇… 我將張相放後啲… 後啲… 後啲…

(有興趣睇既人… 請scroll落去…)

.

.

.

.

.

.

.

.

.

.

.

.

.

.

.

(scroll落去…)

.

.

.

.

.

.

.

.

.

.

.

.

.

.

.

(scroll落去…)

.

.

.

.

.

.

.

.

.

.

.

.

.

.

.

.

.

.

.

.

.

.

.

.

.

(左邊: 係在年前朋友幫我影的; 右邊: 係今晚在屋企, 跟返個大約角度自拍的)

progress_47_weeks

.

.

.

.

.

.

.

.

.

.

.

.

.

.

.

.

.

.

.

.

如我上一篇blog所講, 上排牙齒無以前亂飛得咁勁了…

^_^」 v

(待續…)
男人四十先箍牙,一圓兒時心願。 如對內容有意見, 歡迎留言或聯絡我:

男人四十先箍牙 (四十四)

[06.03.2013] – week 47 – aligner (22/46)

自從在今次個新箍日日換新橡筋後, 箍左都成10日, 啲牙好似仲未穩定咁… 竟然大牙仲有少少酸痛…

我仍然唔明點解大牙都會酸痛, 我以為箍牙只會郁到大牙以外既牙咋? 點解大牙都會酸既呢? 會唔會係其他牙太頑強, 令到大牙不勝負荷… 頂得太辛苦, 所以發出警號呢?

今日細心照鏡, 上排牙齒好似已經無以前哨得咁勁… 以前上排哨牙, 牙與牙之間既隙都幾闊下, 所以飛出黎飛得都幾勁下… 而家上排啲牙隙已經泊返埋一齊, 雖然仲係哨出黎… 不過比起以前哨牙加大隙, 已經好睇左… ^_^」

自從無做野之後, 加上去完台灣玩」創」左個心… 回港後真係日日訓到自然醒, 黃朝百晏先起身… 今日決定八點就迫自己起身, 雖然變左係迷迷糊糊咁坐在電腦前打發時間, 都叫可以寫篇blog熱下身… 總好過卷在床上陪貓訓… =^^=」

(待續…)

男人四十先箍牙,一圓兒時心願。 如對內容有意見, 歡迎留言或聯絡我:

男人四十先箍牙 (四十三)

[25.02.2013] – week 46 – aligner (22/46)

尋晚第一次在換新箍時加上橡筋… 以往我都唔會咁做, 因為換新箍太緊, 如果再加上橡筋, 我怕除箍時會好痛苦… 所以一般我都會在換新箍後第三至四日… 冇咁緊時先加橡筋…

但最近體會到橡筋既威力, 所以換箍時不得不」打鐵趁熱」, 將橡筋也加上去…

換新箍後, 晚上不覺有什麼異樣… 不過訓到半夜, 感覺終於黎… 大概因為新箍加上橡筋既關係… 我好少半夜醒… 尋晚在半夢半醒間, 感覺到啲牙好酸軟, 好痛… 大概是橡筋在發揮威力吧? 好彩不致於痛到失眠, 始終周公既小宇宙比較強…

不過到左朝早… 除牙箍既時候就大件事… 啲牙酸軟到好似一除牙箍就將牙齒連根拔起一樣, 感覺就好似初初戴牙箍要除既時候… 一樣咁大既心理/生理壓力…

今日全日牙齒都軟軟咁… 食蛋糕都無力… 又變左全部食物都要生吞… 十分不健康, 嘿嘿!

不過, 另一方面諗… 牙齒勁酸軟, 都係因為移動幅度大… 即係橡筋配合新牙箍十分見效… 都係開心事黎!

(待續…)

男人四十先箍牙,一圓兒時心願。 如對內容有意見, 歡迎留言或聯絡我:

男人四十先箍牙 (四十二)

[16.02.2013] – week 44 – aligner (21/46)

人無聊, 做既野更無聊得可怕, 今日我就用左十幾分鐘黎數一包新橡筋到底有幾多條… 原來唔係齊頭架喎…

箍牙橡筋

 

橡筋用法, 最好係每日換(定每次呢?)… 因為用完一日, 橡筋拉力會減弱… 直接影響佢既功能…

所以呢, 真係唔好懶… 唔用橡筋或一對橡筋用好耐啦!

(待續…)

男人四十先箍牙,一圓兒時心願。 如對內容有意見, 歡迎留言或聯絡我:

男人四十先箍牙 (四十一)

[12.02.2013] – week 44 – aligner (21/46)

今日, 再一次証明我去台灣唔換新箍係正確既決定…

尋日換左新箍後, 今日訓醒後全日都食慾不振… 牙齒酸酸咁… 真係食乜都冇味… 包括台灣買返黎既美食… 真係食唔落, 夾硬食落口簡直係浪費…

心諗, 如果在台灣中途換左一對新箍, 肯定浪費左好多美食機會…

年初一換左箍後… 最愛既年糕已經唔食得, 因為好黐牙, 真係容乜易食食下成隻牙黐左出黎 (講笑!)

不過, 無晒胃口就係真事…

唉! 唔知又要幾多日後先回復正常食慾…

(待續…)

男人四十先箍牙,一圓兒時心願。 如對內容有意見, 歡迎留言或聯絡我:

男人四十先箍牙 (四十)

[10.02.2013] – week 44 – aligner (21/46)

唔經唔覺, 已經整整一個月無update blog; 亦都好高興話俾大家聽, 在呢段時間, 我既單車環台夢想已經實現左…

過去既二十日, 我一個人踩住單車, 在台北出發, 逆時針圍繞台灣走了一圈… 踩到邊, 住到邊, 亦都食到邊… 好自由, 好滿足…

踩單車食無定時, 台灣既美食好多… 令我戴上牙箍既時間非常之少… 穿鄉過省, 久唔久會途經小食檔, 生果檔… 牙箍成日又戴又除, 有時甚至索性唔戴添…

最長除箍時間甚至有18個鐘咁耐! :P

好在同醫生一早講好左hea戴, 所以打算每日斷斷續戴到十零個鐘就算…

其實每除箍4-6個鐘, 一戴返個箍就會好痛, 因為除箍期間不斷進食, 肯定非常影響牙齒既移動位置…

最長除左箍18個鐘嗰次, 戴返箍既時候, 簡直就好似戴第一個箍既感覺, 牙箍無比大力, 箍到差啲連眼淚水都標埋出黎… 照鏡時, 見到好明顯牙箍同牙之間好多虛位, 可見除左牙箍太久, 啲牙齒有好明顯既移動… 真係勁!

返到香港, 要努力適應返每日戴22個鐘既守則, 講真… 初頭真係有啲唔習慣, 但因為要準備換下一個箍, 所以要在最短時間內將牙齒固定返去第20個箍既狀態, 否則一定對第21個箍有影響!

忍心要同戴左5個星期既20號箍道別了! 呢個箍真係戴左好耐, 好耐!

到左農曆新年, 又係食食食既日子… 真係有啲擔心每日22個鐘既目標比較難達成, 唯有盡力而為啦!

今日係年初一, 在此向大家拜年… 祝大家身體健康, 心想事成… 個個有棚靚牙! 恭喜恭喜!

(待續…)

男人四十先箍牙,一圓兒時心願。 如對內容有意見, 歡迎留言或聯絡我: