男人四十先箍牙 (四十四)

[06.03.2013] – week 47 – aligner (22/46)

自從在今次個新箍日日換新橡筋後, 箍左都成10日, 啲牙好似仲未穩定咁… 竟然大牙仲有少少酸痛…

我仍然唔明點解大牙都會酸痛, 我以為箍牙只會郁到大牙以外既牙咋? 點解大牙都會酸既呢? 會唔會係其他牙太頑強, 令到大牙不勝負荷… 頂得太辛苦, 所以發出警號呢?

今日細心照鏡, 上排牙齒好似已經無以前哨得咁勁… 以前上排哨牙, 牙與牙之間既隙都幾闊下, 所以飛出黎飛得都幾勁下… 而家上排啲牙隙已經泊返埋一齊, 雖然仲係哨出黎… 不過比起以前哨牙加大隙, 已經好睇左… ^_^」

自從無做野之後, 加上去完台灣玩」創」左個心… 回港後真係日日訓到自然醒, 黃朝百晏先起身… 今日決定八點就迫自己起身, 雖然變左係迷迷糊糊咁坐在電腦前打發時間, 都叫可以寫篇blog熱下身… 總好過卷在床上陪貓訓… =^^=」

(待續…)

男人四十先箍牙,一圓兒時心願。 如對內容有意見, 歡迎留言或聯絡我:

男人四十先箍牙 (四十四) 有 “ 4 則評論 ”

  1. 恭喜你完成心願,踩單車旅行啊!
    我都拎咗橡筋,不過兩個箍以來,只用了兩日,有時唔記得,有時嫌麻煩,好難帶,仲以為加咗同唔加分別唔大添。。。不過睇完你之前嗰篇,至知係有用!唯有遲幾日帶返。未有你咁勇敢,換新箍第一日就加。。。好驚呢!

    1. 我初頭都唔覺得用左橡箍有乜分別, 但如果你日日都換一條新橡筋, 好快就會感覺到佢既威力架啦! 如果唔敢第一日新箍就加橡筋, 可以慢慢黎… 試下第三日, 如果ok就第二日, 之後就第一日… 慢慢黎就會習慣了!

發表回覆

你的電郵地址並不會被公開。 必要欄位標記為 *