男人四十先箍牙 (四十三)

[25.02.2013] – week 46 – aligner (22/46)

尋晚第一次在換新箍時加上橡筋… 以往我都唔會咁做, 因為換新箍太緊, 如果再加上橡筋, 我怕除箍時會好痛苦… 所以一般我都會在換新箍後第三至四日… 冇咁緊時先加橡筋…

但最近體會到橡筋既威力, 所以換箍時不得不」打鐵趁熱」, 將橡筋也加上去…

換新箍後, 晚上不覺有什麼異樣… 不過訓到半夜, 感覺終於黎… 大概因為新箍加上橡筋既關係… 我好少半夜醒… 尋晚在半夢半醒間, 感覺到啲牙好酸軟, 好痛… 大概是橡筋在發揮威力吧? 好彩不致於痛到失眠, 始終周公既小宇宙比較強…

不過到左朝早… 除牙箍既時候就大件事… 啲牙酸軟到好似一除牙箍就將牙齒連根拔起一樣, 感覺就好似初初戴牙箍要除既時候… 一樣咁大既心理/生理壓力…

今日全日牙齒都軟軟咁… 食蛋糕都無力… 又變左全部食物都要生吞… 十分不健康, 嘿嘿!

不過, 另一方面諗… 牙齒勁酸軟, 都係因為移動幅度大… 即係橡筋配合新牙箍十分見效… 都係開心事黎!

(待續…)

男人四十先箍牙,一圓兒時心願。 如對內容有意見, 歡迎留言或聯絡我:

男人四十先箍牙 (四十三) 有 “ 2 則評論 ”

  1. 嘩,恭喜你完成咗一半療程,唔知你臉型同牙弓有無明顯改變? 你搵邊個牙醫,可唔可以介紹比我,你個牙醫都好似幾nice,我好怕好嚴肅或者好粗魯嗰種。

    1. 多謝你睇我既blog, 我而家下排牙齒已經比較齊, 算係一字排開, 唔再又出又入… 牙弓依然幾尖, 不過電腦動畫模擬既結果最後係會圓返, 我都好期待, 唔知係唔係真係咁神!

      至於臉型, 因為我同時做運動減肥, 朋友都話好明顯瘦左, 就唔知箍牙既幫助有幾多了… 我而家希望旁邊睇, 個咀冇咁尖就好了 :P

      其他問題, 已email你 ^_^

發表回覆

你的電郵地址並不會被公開。 必要欄位標記為 *