男人四十先箍牙 (四十一)

[12.02.2013] – week 44 – aligner (21/46)

今日, 再一次証明我去台灣唔換新箍係正確既決定…

尋日換左新箍後, 今日訓醒後全日都食慾不振… 牙齒酸酸咁… 真係食乜都冇味… 包括台灣買返黎既美食… 真係食唔落, 夾硬食落口簡直係浪費…

心諗, 如果在台灣中途換左一對新箍, 肯定浪費左好多美食機會…

年初一換左箍後… 最愛既年糕已經唔食得, 因為好黐牙, 真係容乜易食食下成隻牙黐左出黎 (講笑!)

不過, 無晒胃口就係真事…

唉! 唔知又要幾多日後先回復正常食慾…

(待續…)

男人四十先箍牙,一圓兒時心願。 如對內容有意見, 歡迎留言或聯絡我:

男人四十先箍牙 (四十一) 有 “ 2 則評論 ”

  1. 兄弟, 恭喜發財! 祝你新年進步! 身體健康! 心想事成!
    我一直都有keep住睇你blog, 但事忙, 沒有常常留言.

    講返我, 我上箍唔經唔覺已接近五個月, 亦已拔左四隻牙,
    最辛苦最難過既適應期已經過左, 現在只係等佢慢慢箍返好,
    內箍其實幾方便, 每個月去搵牙醫做adjustment一次, 之後會唔舒服兩三日, 但好快就ok.
    只不過, 由於啲牙成日會慢慢咁郁, 我發覺我講說話既音都成日變.
    有一排係某個字發唔準, 之後又變成另一個音發唔準.

    而由於我門牙真係哨得好緊要, 所以, 依家都仲未點見到成效.
    但下排牙, 本來係好唔齊, 凹凹凸凸的, 現在已見到佢地慢慢一字排返開, 都幾開心.
    希望上排牙都可以快啲排返齊啦!

    講開運動, 你環台好勁呀! 佩服!!! 請問你用左幾日呀? 平均每日踩幾k呀?
    不過我都唔弱, 我下星期日會參加我人生第一次全馬拉松! 目標係4小時內完成.
    我想, 人生就係要不斷咁前進同努力, 先至會有意思!
    當初我地立下決心箍牙, 其實都係想中年都可以有改變啫.
    期望大家一齊努力! 共勉之.

  2. 恭喜發財, 祝你蛇年事事順利, 萬事勝意… 當然, 仲有牙齒越黎越靚!

    唔經唔覺, 我都已經箍左10個月… 而家換新箍, 基本上已經無乜話走音… 就算走, 都係好少… 唔會好似初頭咁變漏口仔… 可能自己適應左, 識就住道力講野!

    上排牙齒, 我都冇乜特別進展, 我估療程可能都係先箍好下面, 再箍上面的… 我下面牙齒都開始齊返晒, 一字排開了… 不過弧度仲未好理想… 不過拎返10個月前相出黎一對… 嘩! 我自己都接受唔到我以前原來啲牙係疊埋晒咁生… 我真係唔明點解我可以捱足咁多年唔理佢…

    環台, 全程我踩左15日… 每日踩100k左右啦! 全程一共踩左1300k… 呢段時間, 啲肥膏真係燒走晒, 又曬到成舊炭咁… 照鏡成個飢民咁款, 我估唔止阿媽都唔認得我… 連我自己都唔認得自己…

    我都好佩服你去跑馬拉松, 因為唔知點解… 我係跑唔郁既… 就算追巴士跑多兩步都索晒氣, 踩單車又唔會喎唔知點解… 所以年年咁多馬拉松, 啲朋友個個去玩都冇我份的…

    加油呀! 為我地既身體同牙齒努力…

發表回覆

你的電郵地址並不會被公開。 必要欄位標記為 *