男人四十先箍牙 (六十八)

[01.10.2013] – week 77 – aligner (29 + 4/32)

國慶一日假期, 終於可以休息下… 打下blog, 回下comment…

新物料既牙箍… 已經用到第四個… 唔知關唔關隻物料事… 定係我啲牙已經習慣左不斷移動… 近期換箍… 已經無左啲極度酸軟既感覺… 又唔係完全無既… 不過感覺少到… 換箍下一日… 鋸扒, 雞翼… 呢類高危食物, 而家都已經可以照食… 以前… 酸軟感已經令我連食既衝動都無…

尋晚同班好舊既同事食飯… 上次見, 已經係成年前… 當時, 好似只係箍左牙幾個月…

今次再見… 成餐飯, 似乎無人發現我啲牙齊左… 只係個個都覺得我瘦左… 當然啦, 我真係有認真減… 可能係呢個原因, 大家都集中在我瘦既話題上… 似乎忽略左我臉上既笑容, 已經同以前唔同左… 起碼… 笑起上黎, 露出既牙唔會再出出入入唔齊… 當然… 仲未泊返入去… 但我相信,橫切面已經無以前飛得咁出…

上一個箍, 用左3個星期先捨得換… 因為… 每日都戴唔夠時間, 無謂急住2星期換… 箍唔夠期就換箍… 最終可能因快得慢… 第二, 反正都加左成十幾個箍… 都趕唔切下年生日前完成整個箍牙療程… 都已經變得無乜野好急… (仍耿耿於懷中… >_<)

話雖如此… 箍住啲牙, 仍然有好多野唔方便… 當然… 有想食既野… 唔可以即時食… 係好麻煩… 另外… 我始終覺得成日戴住牙箍… 特別係返工既日子… 食完lunch, 食完晚飯… 無刷牙戴箍… 啲食物漬留左在牙面… 戴左箍… 會令啲口水唔能夠沖刷牙面, 令啲牙漬好易形成…

而家我啲牙漬, 牙石又開始慢慢出動了… 好鬼頭痛…

我見坊間有樣野… 叫水牙線… 原理係用壓力將啲水從個針孔咁細既窿噴出… 稱聲可以有效去除牙面牙逢既污漬… 我未試過, 亦都無朋友係用家… 唔知有冇效呢? 有冇人可以話我知?

(待續…)

男人四十先箍牙,一圓兒時心願。 如對內容有意見, 歡迎留言或聯絡我:

男人四十先箍牙 (六十八) 有 “ 19 則評論 ”

  1. 我都係用新物料嘅箍,現在才第3set,加咗1 2個粒粒,酸軟嘅感覺都係好輕微,只係頭1、2日會酸,成日懷疑D牙到底有冇郁到><
    水牙線我有幾個朋友都有用,話清潔得幾乾淨,我都打算買來用,你可以試下喎。

    1. 就算我買左水牙線, 我都會照用傳統牙線架… 因為牙線真係清潔得好乾淨… 水牙線, 我反而係想噴落牙面啲凹凸位, 清潔下… 感覺牙刷有時刷得唔夠徹底咁… 同埋有啲鬼祟位, 可能用水牙線會清潔得好啲掛…

  2. 我問過我個矯齒醫生, 佢話水牙線唔夠用普通牙線乾淨, 她用清潔玻璃比喻, 用水」feir」, 定用布」卒」乾淨啲丫? 所以我無買水牙線, 不過原來口裡面多左副牙箍, 就算你擦牙點乾淨, 口裡都會多左好多牙菌膜, 因此我兩三月就已經多左好多牙石, 箍牙四個月已經要洗牙.

    1. 呢個都係我既問題呀… 近兩次都俾醫生話我多左牙石… 我已經盡力刷牙了… 可能我刷牙方法唔岩(咁多年都錯, 哈哈) 或者係大陸飯餸多油多鹽多糖多色, 啲食物殘留在牙面太耐, 攪到啲牙石容易結成掛… 唉, 無辦法… 再係咁落去… 要硬住頭皮帶牙膏牙刷返工了!

    1. 可以講係正常… 因為我初初用11粒attachment, 頭兩個箍, 一除箍都好易咬到咀… 應該係啲粒粒影響個咀開合既反應… 漸漸會習慣的, 放心… 未慣就儘量放慢放慢放慢… 希望減少刮到咬到既機會囉…

      1. 我帶除都冇咩問題, 只係有時講野仲會比個箍刮到…
        同埋呢幾日都有發覺上下排大牙前少少果d位會有種酸軟既感覺, 唔知係咩蛀牙呢? 但有幾個位係食野既時候都係咁, 又冇理由蛀咁多隻….
        同埋我想問下你平時點樣洗箍?之前牙醫叫我唔好用牙膏洗因為個箍會黃喎, 但我覺得用水又好似唔係好乾淨咁….
        仲有, 我想問下係咪正常都要再整箍? 因為我77個箍, 但個牙醫又冇mention過….
        *sorry好多問題…

        1. 有酸軟感覺, 應該就係」見效」啦… 唔駛太擔心既, 好事黎, 總好過一啲感覺都無 xdddd…

          我平時, 在屋企除左箍用潄口盅浸住, 戴之前就會用牙刷, 用清水洗刷… 有心機啲, 就會用牙縫刷黎刷下牙箍啲鬼祟位… 真係會乾淨好多!

          我個牙箍, 戴個零星期, 就會開始發黃, 我估計係因為我既飲身習慣, 食完野, 潄下口就會戴返… 啲食物漬好易黐左落牙箍度, 慢慢就會形成偏黃!

          你77個箍, 我估都幾容易會出現偏差, 當然… 需唔需要重新做箍, 都會係醫生既意見啦… (最緊要係不另收費 ^_^, 同唔好加太長時間 T_T)

  3. 您的日誌寫得好好, 我D牙同你有一點似, 都是門牙突出,
    看了你的 before and after 相, 令我信心大增, 其實我只要門牙收入, 唔好太突就可以.
    我book 了趙X波醫生, 請問是不是你的醫生, 我怕去錯呀

    昨日book 要等一個月先有得看
    先謝謝

發表回覆

你的電郵地址並不會被公開。 必要欄位標記為 *