男人四十先箍牙 (八十八)

[20.09.2014] – week 127 – aligner (29 + 24/32)

今個星期六, 不如以往咁將活動排得密密麻麻… 閒在家中…

早上訂左機票, 在月尾至國慶假期間到外地旅遊… 請三日假期, 有九日連假… 這些機會, 又點可以放過… 回想一下, 原來… 我都有八個月無休息過了…

計一計時間… 下一個牙箍正好在我上機前一日更換, 其實都幾大鑊… 換箍後會不適應兩三日, 咁… 頭幾日旅行, 食野就無晒feel了! 可惜…

每次心血來潮寫blog, 我慣性都會翻睇一下上一篇寫過乜野, 原來… 又快一個月了… 時間過得咁快, 除左工作外, 運動每星期都佔左我兩個半日… 剩下既時間, 就係同家人過, 同朋友過… 當然… 朋友, 大部份係指交往緊既女性朋友…

呢篇blog, 其實主要想抒發下小弟感情方面既事(好似從來無乜特別講過)… 如果閣下除左對箍牙, 唔係對我另一面感到興趣, 可以睇到呢一行字就停了… xdddd

. 十

. 九

. 八

. 七

. 六

. 五

. 四

. 三

. 二

好, 講番我既感情世界… 其實, 有從頭睇我blog既網友, 都會知其實我寫到睇八篇, 我就變成單身漢… 經歷左兩個寒暑, 仍然仲係一個人… 原因, 我估除左因為自己係比較內向, 對異性亦較為怕醜… 加上生活圈子窄, 不喜愛群體活動… 下刪一億字…

所以對搵女朋友, 真係無從入手…

從年頭開始, 其實已經強迫自己主動啲去接觸異性… 亦對朋友既介紹女仔相睇活動積極參與… 的確, 近半年, 係識到多左異性, 亦有唔少發展機會… 不過, 感情既野, 就係咁… 感情要黎自雙方… 數段關係都總欠缺些火花…

而近月, 的確係有一份比較」像真」既情發展過, 可惜最後都無疾而終左… 到而家都仲係好似發緊夢咁… 可能時間太短, 短到自己都懷疑過係咪一件真事, 定只係搭巴士時發既南柯一夢…

我同個女仔, 由識至」散」… 只短短一個月… 講比人知我為愛情受傷都驚比人笑啦… 實屬小跌一交…

我亦都係一個丰子愷既漫畫愛好者… 在此刻, 只能勉勵自己一句: 「跌一交, 且坐坐」

rest

正好, 月尾既旅行可以比自己休息一下… 情路上再出發過… 

朋友叫我, 不如正正經經去speed dating啦, 趁仲未係太老… 又話其實speed dating啲女仔實在係唔錯云云… 又話其實speed dating啲男人真係好騎呢, 我去都應該好有機會云云…

其實, 如果我去speed dating, 係咪又會變成」好騎呢」既新一批?

希望… 箍完牙之後, 唔駛寫」男人四十先媾女」… xddd

.

.

.

.

.

P.S. 如網友想介紹女仔比我識, 不妨也直接與我聯絡 @_@」 [紅]

(待續…)

男人四十先箍牙,一圓兒時心願。 如對內容有意見, 歡迎留言或聯絡我:

男人四十先箍牙 (八十八) 有 “ 33 則評論 ”

  1. 哇…呢篇講感情世界咁堅….^^」」」
    我都係孤家寡人…而家已經放棄左..死左條心..wakaka(唔好以為我嘻皮笑臉玩野,呢段野對自己係認真既..=.=)
    我只求以後生活既日子開心就足夠..^^
    在此真心祝福你完成箍牙後靚仔之餘早日找到另一半..^^」」」」

  2. hello無意中睇到你既blog, 我是箍牙新手, 第四箍only, 你應該差不多箍完吧?
    睇完你既blog覺得好有共鳴, 外觀是重要, 但做人都要積極一點爭取, 好運自然降臨,
    我既前半生都係自自閉閉, 生活圈極細,
    但今年同自已講要享受人生, even過左廿幾年, 還不算遲呀,
    識朋友既識朋友, 去玩就玩, 學就學, why not?
    加油呀!you can do it!

    1. 多謝光臨… 如順利, 我仲有3個箍就完了… 黎到我呢個年紀, 工作忙, 我都唔知點開始享受人生好… 不過我會努力去嘗試… 希望好快可以講比大家聽我已經開始享受, 呵呵!

  3. 大佬, 我都可以算係follow你個blog既最早一批觀眾啦.
    話咁快, 我內箍都進行左兩年了, 仲有一年(如果醫生冇老點的話) 就完成
    雖然我比你細一兩年, 但我記得我剛開始箍牙時都同你一樣, 都係孤家寡人,
    我一直都冇放棄自己架! 其實, 找男女朋友既嘢, 真係隨緣啦. 要遇到就自然會遇到的.
    放鬆心情, 如果你唔想透過相睇或speed dating, 我覺得去參加多啲運動或去學嘢啦,
    真係會識多好多人的!
    識得人多自然機會多左, 而且, 多啲運動或培養興趣, 人都開朗吸引啲架!
    實不相瞞, 我近排都因為去學嘢而無意中識到一個女仔, 發展中.
    大家一齊努力加油呀! 共勉之。

    1. 老兄, 聽到你識到個女仔仲發展中… 真係鄧你開心, 世界充滿希望充滿愛… 不經不覺, 就」識」左你兩年… 希望黎緊工作中抽到時間去享受下人生啦! 當然同時搵到人生既另一半, 會係更錦上添花…

  4. 我又來了,同你一樣仍然係cool牙路上,唔知幾時先到終點。
    由本來36個cool…戴到34個就再印新模,新模加左29個….而家戴到第12個,今日覆診醫生幫我磨左少少牙繚及叫我夜晚用象根,拎左7個cool, 然後同我講下次應該會再幫我印模,真係有種看不到明天既感覺=_=」 一齊努力吧!

    1. 印新模, 其實係好事黎… 如果印好既牙模唔再有效, 一直咁戴落去, 可能真係越戴越歪… 到左某個時候, 你會發覺牙箍變左生活一部份, 唔再覺得時間漫長, 就係快將箍完既時候了… 到呢個時候, 真心講有唔捨得既感覺… 可以講句, 牙箍是我的朋友…

  5. 一口氣睇晒你88篇分享, 十分有趣, 不用担心, 你一定會搵到女朋友既.
    睇完你既分享, 踵賒我已經超過30, 但都好有衝動去COOL牙, 因為我有爆牙>O<
    可否分享醫生的資料? Thanks a lot!

  6. 之前想箍牙好耐, 拖拖下年紀都唔細 ( 同你年紀都唔差太遠… )

    可以睇到你呢個 blog 真係好呢! 就好似 preview 一次成個箍牙o既心路歷程, 箍之前有好好o既心理準備。

    而家想搵牙醫 quote 價再作決定呢, 請問可唔可以留你個牙醫o既聯絡方法呢?

    再次感謝你詳細同有趣o既分享, 會繼續留意你個 blog~

  7. 加油呢! 你就黎望見家鄉, 我現在才開始咋.. 正確D講, 上星期先照完x-ray,做完牙模. 好緊張啊. 由中學想到現在3字頭, 終於到快實現. :) 係喎, 好奇一問, 你係咪睇趙醫生架?

  8. Hello~又係我呀~
    啱啱剝咗四隻牙,痛痛呢
    剝完牙留咗個窿勁多污糟嘢sip咗入去,成日要搵水牙線沖勁唔方便><"
    你要加油搵到另一半啊!支持你!

  9. 終於第一篇追到近排,雖然我鋼牙妹,但睇到你咬唔到野部分好有同感(而我刮到成口痱滋了…)
    香港地男人幾多歲都會有女仔要的,不怕。

    1. 香港男人幾多歲都有女仔要? 係咪真架… 我相信係既, 不過就應該要有吸引人之處先得啦, 我暫時就冇一啲陌生人一見到就吸引既長處了… 我都希望好快會有…

  10. 我睇左幾篇你既文章,好有心機記錄呀~! 我得閒要睇曬佢 >……< 唉, 都等左7年,唔爭在等多七個月啦!!

    thanks a lot~!!!!

    1. 咦d 字唔見曬~!!

      我睇左幾篇你既文章,好有心機記錄呀~! 我得閒要睇曬佢 !! 多謝你分享俾我第日做參考~~
      睇到你棚牙既進程我都好想快d 箍!!

      我大門牙中間有條大大大大大大大大大大大大大大縫, 最近仲要愈變愈大俾人笑~恨不得塞舊香口膠響個縫到閂埋佢丫
      其實我十幾歲已經想箍牙,
      不過因為我小時候覺得箍牙好肉醱~見d同學講講下野流口水 又叫痛
      大個d先發現唔箍先最肉醱~ 好後悔
      後來出國留學,做實習,工作, 無試過響一個地方住得夠耐可以箍牙
      而家終於決定明年返香港定居…. 我終於可以箍牙啦!!!!!!!!

      麻煩可唔可以俾醫生資料我? pleaseeeee 日日照鏡都好想喊
      不過無論如何我都要7月先可以開始箍 唉, 都等左7年,唔爭在等多七個月啦!!

      thanks a lot~!!!!

      1. 真係唔好意思, 今日反覆睇comment時, 先發覺你呢篇嘔心瀝血寫出黎既comment… 哈哈! 你返左黎香港未呢? 如果你7月先開始箍… 咁你仲有大把時間準備…
        email已覆, 請查收… ^_^

  11. 多謝你既分享
    我仲未決定到箍唔箍,幾年前箍前照xray,剛長出既智慧齒就快插神經線,醫生話一定要快剝,好urgent咁搵醫生剝4隻,洗左一大筆,因為麻煩Case,唔係間間設備做到,跟住打消呢個箍牙念頭,睇到你blog咁成功,又心郁郁想有美麗既笑容,請問我係瘦面既人,擔心箍完既問題:塊面好凹, 移位~~~

  12. 你好,我今年都係40歲,我正在考慮箍牙,係全統鋼粒型,但有好多問題,好煩腦,好想和你傾談,請教你的意見,可以電郵聯絡我,萬分感激!我們可以怎樣聯絡呢?

CTC 發表回覆 取消回覆

你的電郵地址並不會被公開。 必要欄位標記為 *