男人四十先箍牙 (八十三)

[20.04.2014] – week 106 – aligner (29 + 15/32)

happy_anniversary_2nd

話咁快, 箍左牙兩年了… 剛好復活節假期… 飲食活動多左, 同朋友食飯… 唔方便又戴又除… 有時一除就除兩三個鐘… 我估一日可能只係戴左16-18小時… 睇黎, 呢個箍要延長多幾日先得了…

不過佳節流流… 唔理得咁多了, 最緊要都係自由自在地過… 箍牙… 唯有適量延長啦 T_T

祝大家都有一個愉快既復活節假期!

(待續…)

男人四十先箍牙,一圓兒時心願。 如對內容有意見, 歡迎留言或聯絡我:

男人四十先箍牙 (八十三) 有 “ 20 則評論 ”

  1. 其實我牙醫建議我可以戴著牙箍來食東西, 你也可以試一試。只要食完東西除牙箍出來沖一沖就ok了。這樣一來可盡情享用美食,二來又不用延長佩戴日子。

    1. 我其實間中都會戴住箍黎食野… 不過都幾恐怖的… 食完除出黎洗果陣, 原來箍內都會積唔少食物殘渣… 戴箍食野, 食完真係要盡快洗先掂, 否則, 後果嚴重呀! 一來俾人睇到攝晒野唔好, 二來… 食物殘渣up住, 對牙齒都唔好呀…

  2. 你箍完排牙真係好靚,,你刺激左我想去箍牙!!!
    我本身哨牙,,基本上除左門牙外,其他牙都好齊整,有一隻門牙突出好多,所以我成日都合埋咀笑,唔想比人見到排醜牙…..
    唔知樓主睇邊個醫生呢,,,真心希望樓主介紹給我,,令我早日脫離哨牙,,我真係想打開口開心笑:(
    please pm me

  3. 我個牙醫都係叫我帶住牙套食嘢,開頭真係好唔慣,但好快就習慣了。由於我冇脫牙,所以磨咗十幾條牙縫,唔帶住牙套食仲辛苦,因為啲食物係咁攝晒落去。
    你棚牙真係靚咗好多,令人好鼓舞!
    我而家先6/30,未見到有咩郁動 -_-#
    希望我快啲見到成果啦!

    1. 多謝… 能夠俾到人動力去箍牙, 係我既榮幸啦… 我儘可能, 都會帶方便牙線出街, 因為, 食親肉類, 都好容易攝左入三角位… 無牙簽或牙線, 無可能了到出黎, 笑起上黎會見到, 好尷尬的!
      你已經去到第6/30, 都5分1了… 其實, 時間真係會越過越快架… 我諗半年左右, 就開始會見到成績架啦! 努力!

  4. 年初我睇完你個blog,都下定決心去箍牙了。
    醫生話我唔駛脫牙,如果脫上下排共4隻,會令我面形陷左入去。
    呢家半邊面,上下排各磨5-6條牙縫,整排牙就可以泊齊。
    但我十分擔心磨完會變成敏感牙齒,無得返轉頭。
    唉… 我呢家擔心多過開心…

    1. PP
      唔好意思搭個嘴先~
      我情況同你一樣,都係冇得㨂脫牙,只可磨牙縫,但我大鑊啲要磨十幾條牙縫,而家已經磨咗十一條,但遲啲仲要磨啊+_+
      不過醫生話唔會變敏感牙喎,希望係真㗎啦!

    1. 磨牙, 開頭一兩次都幾恐怖架, 不過慢慢會習慣了… 其實磨牙唔係好危險既, 只係用類似指甲銼既物體在你牙逢銼啲空位出黎之嘛! 應該唔會介到條脷, 放心! ^_^

  5. 睇晒你咁多篇blog, 你D牙真係靚左好多,
    我都有D假哨牙, 咀嚼都有D問題,
    我都搵緊D箍牙既資料
    可唔可以俾你形醫D資料我

發表回覆

你的電郵地址並不會被公開。 必要欄位標記為 *