男人四十先箍牙 (五十五)

[22.05.2013] – week 58 – aligner (28/46)

今朝, 係掛著黑雨警告既日子… 尋晚一直都訓得唔多好, 行雷閃電… 都醒都好多次… 醒完又訓唔返…

反正訓唔著, hea訓到早上同屋企人冒雨去飲茶… 茶樓竟然都幾多人; 即係話, 雖然黑雨唔駛返工, 但其實好多人都唔怕風雨, 乘機出街搵節目…

序完… 不過呢篇文, 其實都唔係講箍牙… 主要都係向大家報個喜…

尋日, 終於收到offer, 有公司請我了… 下星期要做返打工仔!

自從由四月一日開始搵工… 一共寄左20封email, 4次interview… 經歷近兩個月既期待又期待… 由本來信心十足, 直至開始懷疑自己能力… 終於, 在一個風雨飄搖既下午… 收到一個無比燦爛既消息…

份工係我心水之一, 今次做in-house, 唔需要好似上一份工咁賣豬仔, 不斷接唔同既客(補充: 我係做IT的 :P) 而且從interview中, 感覺到公司既管理層都好nice, 有big family feel的…

不過interview得知, 份工都幾多往返內地trip, 間中都會有東南亞trip… 要做定心理準備, 未來老細應該睇中我呢庭單身寡佬, 覺得我好適合… ^_^」

希望各位唔好介意, 我仲想藉呢篇文, 鼓勵下正在(或打算)追尋夢想既各位…

如果有夢想… 就努力去實現啦… 雖然中間不斷會有障礙, 但只要你唔好放棄, 不斷向前, 終有一日夢想會實現!

正如我上年年尾做出左辭工既決定, 唔立即搵新工… 為左實現考取專業試, 單車環島旅行, 同寫手機apps既夢想; 好多人都唔認同我既做法… 認為應該先搵到工, 再用工餘時間去實現夢想… 但我覺得返左工就無可能做到以上3件事, 所以我選擇冒險, 完夢先開始搵工…

而開始搵工後既頭一個月, 其實仲係充滿信心既… 不過日子耐左… 搵工email既回覆率低於預期, interview後又無反應, 漸漸開始有啲懷疑自己既能力, 甚至懷疑自己既辭工決定有冇做錯?

不過, 我每日都對自己講… 要對自己既決定有信心, 唔好氣餒, 要以樂觀既心情去面對逆境… 否則, 苦瓜乾咁, 都唔知點面對餘下既interview…


(每每有氣餒既感覺, 我就會記起Rocky既呢番話; 睇完即刻充滿返力量, 同大家分享一下)

下星期, 就要面對新工作既挑戰… 本來六月頭約左醫生辦工時間去倒新模, 而家返新工, 都唔方便請假去做… 唯有同診所商量下可唔可以安排啲較夜或週末既時段做了…

紿終, 份工要緊呀…

(待續…)

男人四十先箍牙,一圓兒時心願。 如對內容有意見, 歡迎留言或聯絡我:

男人四十先箍牙 (五十五) 有 “ 20 則評論 ”

  1. 你好,雖然呢篇文唔關箍牙事,不過我呢,三十幾歲人終於的起心肝想去箍牙,上綱揾資料無意中揾到你個blog,你寫得好好,十分搞笑^^回正題,你可以比你個醫生資料我嗎?我揾咗好耐都唔知邊個醫生好,好苦惱!thx
    chomm1114@gmail.com

    1. 多謝呀! 我見啲朋友一般都係半個至一個月就返新工… 所以我要成兩個月, 自己都覺得驚驚呀… 不過而家總算有驚無險, 希望快啲坐定上軌道… 咁先會安心… 哈哈!

  2. Congratulations on your new job :) 最近一口氣睇完你個blog,覺得你真係好有心機寫呀。
    我就黎三十先走去箍牙,仲要係透明粒粒有鐵線個隻,所有朋友都覺得我傻傻地。睇完你個blog 之後,發現原來都有唔少」同道中人」,即刻有啲安慰。另外,我覺得自己應該都寫blog記低人生中一段咁特別的日子,不過最近實在太忙,希望遲啲可以的起心肝寫blog。

    最後同你講聲,無論箍牙定新工作,加油!

    1. 剛剛到過你既blog… 加油, 快啲寫啲野落去… 將來睇返會覺得好特別的… 我久唔久都會」重溫」下我以前既blog文… 又會回憶返唔少趣事, 所以我都鼓勵各位箍牙既朋友, 影低相或者將過程紀錄落黎… 將來重溫又可以重新感受一下呢段難忘既回憶…

  3. Congrats on yr new move and gd luck!! 我都上左第一個cool la (不過唔知點解aligner上面寫住#2、帶3 weeks) 冇乜pain or sourness, 淨係成日凝住個口有d野、冇乜痴脷gun but 成日自己覺得mui 住個咀…most importantly, 冇時間enjoy 早午晚三餐…好趕!! ;p

    1. 點解咁奇, 第一個箍就係#2, 仲要戴3個星期… 唔通整唔見左第#1個, 一野就上#2… 早午晚餐趕住食唔係最煩… 係啲零食冇得食先最慘… 特別係同事請你食, 又食唔到… 好掃興的

  4. Good job, Brother, congratulation!
    Rocky 那段話真的很振奮人心, 我諗男人, 尤其是到左我地呢啲咁既年紀, 有時真係都好需要鼓勵吓自己, 而我自己每次down既時候, 我都會睇 以下呢個MV, 即刻有返士氣, 共勉之.

    (想當日我都係睇完MV, 毅然的起心肝去箍牙, 完全冇錯的一個決定, 最後悔只係箍得太遲, 依家我排牙齊左好多啦, 雖然多左幾個黑三角, 但係上唇都叫做遮到吓, 所以, 自己催眠自己唔多覺的!)

    加油, 我與你雖然素未謀面, 但係聽到你搵到份新工既時候, 都好鄧你開心!

    1. 我都留意到啲黑三角似乎都冇乜消散既跡象… 好彩我上下唇都算係遮到, 正正常常咁講野唔會太覺… 見到每個新既牙箍形都慢慢」圓起來」, 幾開心…

  5. 恭喜你搵到新工, 祝你工作順利!
    我開始寫blog紀綠我的箍牙點滴, 亦已經喪影了自己的箍牙前同剝牙後相作紀錄.

  6. 恭喜恭喜!祝你新工作順利!
    其實有志者事竟成!努力加油!
    見你能尋夢,果真起了鼓勵的作用,我也是時候想想我的夢!:)

    1. 多謝! 我都先祝你夢想成真… 有樣野係真既… 就係當你未下定決心實現夢想時, 成日都覺得反正都咁遲, 唔爭在遲多陣… 但當你達成夢想時, 就會覺得, 點解唔早啲開始呢…

      我以後都會記住呢點… 一有野想做, 就即刻要去做好佢了!

  7. 恭喜呀師兄!
    5個月又考咗試又去咗環島又寫咗APPS真係好充實。前年我唔撈後兩個幾月無做嘢都只係hea住去咗個旅行,考試呢,到呢一刻(2年!)連一份卷都無pass過…我敬佩你放自己大假嘅勇氣!更佩服你無浪費過假期嘅時間。
    祝你新工順利,步步高陞!

    1. 多謝呀~ 你話一份卷都無pass過… 即係有冇考呀? 返左新工一個星期… 忙到傻… 就覺得先做晒所有想做既野先搵工係無錯既… 真係, 一返左工就忙到寫blog時間都冇… 仲點可以溫書, 寫app同考試丫… 唉, 唔知幾時先可以鬆一鬆了…

發表回覆

你的電郵地址並不會被公開。 必要欄位標記為 *