男人四十先箍牙 (三十四)

[25.11.2012] – week 33 – aligner (17/46)

唔經唔覺, 又順利用完一個箍… 今日換上第17個箍… 因為加左attachment既關係, 一戴就已經好緊, 好貼服, 好大力… 緊到眼淚水都差啲標出黎…

自從加左attachment後, 我頭兩日用新箍, 都習慣唔加橡筋, 因為我有啲除箍恐懼… 怕加左像筋後, 除箍會更加辛苦, 所以暫時頭兩日都唔加橡筋住…

講完關於箍牙, 有點事實在不吐不快…

就係關於我工作… 有睇我以前文章既人都知… 我呢份工從四月開始做… 不經不覺, 伴住我箍牙既日子, 已經做左足足七個月… 終於, 我在上星期五遇到一個觸發點, 令我不得不辭職了!

做野辛苦我可以忍, 放工後經常自願性OT我可以忍, 但… 每次勞心勞力為公司解決災難後, 客戶都識感激欣賞, 但自己上師卻半點讚賞都欠奉, 永遠嫌慢, 更將更多其他人解決不了的問題搬到我枱面要我立即解決… 害得我自己讀書進修的時間都賠上, 考試日期一拖再拖… 拖了幾個月都無辦法專心溫習…

就因為老細星期五的一句刻薄說話… 我要爆了! 我諗, 我星期五黑左半日臉… 無再同老細傾過計… 之後, 我認真地攝高床板諗左兩晚, 決定好, 剛剛email左我老細及hr dept, 我辭職了…

在電郵按下」Send」的一刻… 我真係解脫了…!

以上小故事同箍牙無關係… 仍然多謝你地將佢睇完 ^_^

(待續…)

男人四十先箍牙,一圓兒時心願。 如對內容有意見, 歡迎留言或聯絡我:

男人四十先箍牙 (三十四) 有 “ 14 則評論 ”

      1. 應該係好似你個D attachment(?) 咁. 佢係痴係牙面上, 比鋼線定位/借力拉D 牙. 頭幾日比D 牙釘整到口都合唔埋. (上牙撞到下牙D 釘.)

  1. 今日突然間好有決心"係時候要去箍牙喇,唔好再等喇"!上網搵資料嘅時候,見到你呢個blog,
    其中睇到關於箍牙嘅趣事,真係覺得好好笑,其實好多謝你寫個blog分享箍牙嘅經歷同平日嘅趣事,箍牙一直都係我嘅心願,所以想問下你,可以email你個牙醫資料比我嗎?
    PS 祝你早日搵到份好嘅工作

    1. 觀迎光臨… 踏上箍牙之路, 其實都需要一份勇氣, 因為時間同金錢花費都好大; 同埋呢, 特別係年紀大左, 好多時無一個推動力, 反正都過左咁多年, 好多人(包括以前既我)都打算以後就係咁過…

      箍牙短則年幾, 長側兩三年都有… 如果有箍牙打算, 真係要坐言起行呀! 已email你, 希望你早日心願達成, 擁有整齊既牙齒 ^_^

  2. 收到你嘅email喇,打左電話去約,不過未比到時間,因為姑娘都話好多booking,期待快啲可約到啦,多謝你嘅鼓勵呀,thank you!

    1. 係呀, 覆診時見到萬人空巷, 都好感受到箍牙生意真係好好… 箍牙時間漫長, 唔爭在等多一兩個月booking啦 ^_^ 最緊要都係上到車… 踏上」旅程」…

      1. 今日終於去到診所見醫生喇,牙模都整左,我要剝兩隻牙(比我心目中少),可能係本身已經剝咗兩隻打橫生嘅智慧齒,心情係:好開心又好期待一個多月後再去診所,另外,想多謝你嘅分享及鼓勵,可以令好多想箍牙嘅朋友多左一份動力和了解,thanks

  3. 多謝你無私既分享, 我都諗咗成10年(我今年28), 除咗怕痛怕肉酸外, 主要真係覺得好貴, 唔知你牙醫比咗咩野付款方式你揀, 首期要比幾多, 分幾多期付款?

  4. 箍invisalign就絕對唔肉酸, 我轉左新project都成半個月, 唔講絕對無人知我箍緊牙… 佢地最多都係奇怪點解次次食飯前我都會去餐廳廁所」洗手」… ^_^

    痛, 就間中有啦, 不過少少痛楚換來整齊既牙齒, 都值得架…

    箍牙一般都可以分期, 至於俾幾多… 我個醫生收費都幾有彈性, 無硬性規定金額, 你鍾意俾幾多就幾多… 每次扣數咁囉!

    我就每次覆診都俾總數十份一… 即係覆十次診就俾晒架啦… 不過, 俾幾多其實都係就返自己預算同計劃的…

  5. 睇住你個過程幫我好多, 有左好多心理準備…
    我估我準備去見果個醫生就係你果位….
    你可唔可以做我既介紹人?? 謝謝~~

    P.S: 祝你情場&事業都事事順意~~

發表回覆

你的電郵地址並不會被公開。 必要欄位標記為 *