男人四十先箍牙 (三十五)

[11.12.2012] – week 35 – aligner (18/46)

唔經唔覺, 上一次寫blog已經係兩個星期前既事… 本來以為遞左辭職信會輕鬆晒, 點知… 反而更忙, 由朝忙到放工OT, 返到屋企都冇晒精神寫blog… 同時, 進修課程又就快考試, 有啲啲精神都要用埋黎溫書… 所以真係可以話一日48小時都唔夠用!

講番箍牙, 尋日換左第18個箍… 可能已經習慣左箍牙, 就算新箍都怠覺唔到太大壓力… 真係好快就適應, 不過… 始終會有新發現… 就係… 換新箍前最好唔好剪指甲…

每逢用新箍… 第二朝刷牙除箍時, 都會發現個箍好貼, 好緊, 好難除… 仲要因為前晚剪左指甲… 冇指甲」了」開牙箍, 左試右試好耐先除到個牙箍… 攪到手指勁痛, 今次新箍牙唔痛輪到手指痛…

另一件要記住既事就係… 換新牙箍後頭兩日, 千其唔好去食好野, 唔好去食貴野… 因為啲牙無力趙, 只能夠吞… 咁食法, 一定會浪費左! 最好咪試啦!

(待續…)

男人四十先箍牙,一圓兒時心願。 如對內容有意見, 歡迎留言或聯絡我:

男人四十先箍牙 (三十五) 有 “ 4 則評論 ”

    1. 而家臉型瘦左唔少, 其實未必關箍牙事, 因為呢半年除左箍牙, 我仲日日做運動減肥… 咀型就仲未改變得好顯注, 因為上排牙仲未開始箍入去, 下排牙就好明顯齊左… 希望快啲可以推返免仔牙入去啦… 我在醫生處睇過模擬影片, 真係可以將我上排既免仔牙推返晒入去, 整齊晒… 好期待呀!

  1. 一口氣睇晒你所有的文, 真係好佩服你有呢個勇氣,我由小學開始己經諗過去整, 連醫生都睇過兩次, 但都因為怕痛而拖咗落黎…現在我己經二十幾了, 比起細個時候能忍好多, 又認真考慮要去整, 加上對將來工作有幫助, 今次唔會再拖! 請問你可唔可以PM一下醫生的資料比我呢?

    1. 多謝你睇我既blog… 你先二十幾歲, 有靚牙齒, 自信心大左, 做乜都得心應手好多… 就算我成四十歲先會箍好, 我都決定去箍牙, 因為有心唔怕遲呀! 已email你 ^_^

發表回覆

你的電郵地址並不會被公開。 必要欄位標記為 *